October 20, 2017
 

Pamahaw

Share

Pamahaw

Written by: LMS

 

Kamingaw lamang sa ako taggbati

Kuman gajud samtang ako nagsulti

Paghungit ko ako nahinumduman

An kape na ako tag inom tagparesan nan suman

 

Kataghum pamation sa saba sa mga manok

Amoy gajud ako hingmat an jaon ila pagtuktugaok

Bangon dajon tapos manghilam os

Kadto kusina magluto nan buyad na nukos

 

An katawa sanan tinawagan ni Buntoloy

Sa ako an tinan awan mura nagpakilooy

Ay ay gajud kahimos mo hilabina kun motuwaw

Sagdi lamang kay si mami mo pakan on nakaw pamahaw :)

 

An ako maguyang ija dadjun patukaron

An One FM o DXKS na istasyon

Kagana lamang sa mga magsisibya pamation

Hilabina sa mga eksperto na sila Dr. Jack Sparrow sanan Clergy Jhun :)

 

Ay ay tagmingaw gajud ako sa Kolo republic

Kagana gajud hunahunaon sanan ibalik

Pero jari naman ko dire sa NC state

Sa mga bagtik na magsisibya rakan ako magpa greet

 

Marajaw na buntag sa ijo hurot

Hinaut nakapamahaw na kamo kun hain man naglibot libot

Basta ako jari ra naniid kun unoy bag o balita sa fisbuk

Nag inom inom kape hampan sa mga hulagway nagtutok tutok

 

Sa sunod na isab ako mga lumon

Dire ra gihapon sa grupo na Surigaonon

Kita magtubag tubag pinaagi sa mga komento

Magkinataw anay isab labina sa komplemento na arang ka bibo :)

Sign in

Forum Topics

No posts to display.

Advertisement


 

Top 5 Most Active Users

  • James Tiu
    121 Points
  • Rhea S. Ong
    112 Points
  • Christine Tan
    111 Points
  • Haidee R. Jenes
    97 Points
  • Marky Garcia
    95 Points
 

Visitors Counter

WOWSurigao Visitor CounterWOWSurigao Visitor CounterWOWSurigao Visitor CounterWOWSurigao Visitor CounterWOWSurigao Visitor CounterWOWSurigao Visitor CounterWOWSurigao Visitor CounterWOWSurigao Visitor CounterWOWSurigao Visitor Counter
WOWSurigao Visitor CounterToday2143
WOWSurigao Visitor CounterYesterday6474
WOWSurigao Visitor CounterThis week2143
WOWSurigao Visitor CounterLast week43930
WOWSurigao Visitor CounterThis month131161
WOWSurigao Visitor CounterLast month200718
WOWSurigao Visitor CounterAll days6425502
We have 825 guests online

New Registered Users