December 12, 2017
 

Surneco

Share

SURNECO (TUBAG)

Written by Hex - Surigaonon Ako

Uman kami man an pirmi basulon?
Lisod ba gadjud kamo pasabton?
Simay gusto nan ini na sitwasyon?
Kun ini gawas na sa amo gahum...

Adisir tana kita nidjo magreklamo
Basa-basa sab kun jaoy oras amo?
Kay malisud inin magpahisaba ra kita
Kun an atu ra kaugalingon an pamati-an ta

Pangutan-on tana anay natu an atu kaugalingon
Simay ganahan na pirmi kita magpayong?
Daku badja an epekto nan ini sa amo intawon
Mudaob an amo mga kaldero kun ini magpadadjon

Makasabot kami sa idjo kun kamo ray apektado
Pero kita man ini tanan an damay por Diyos por Santo
Kami ba an nagpaandar sa mga planta nan NPC?
O dili ba an nagkontrol sa mga linya nan NGCP?

Simple raman tana ini na supply and demand sa economics
Dili calculus, algebra o trigonometry nan mathematics
Dili sab ini an relative theory sa physics
Research-research sab anay dili ra puro tsismis

Hataas an demand nan dagitab sa intiro Mindanao
Pero dili sa tanan panahon hamok tubig sa Lake Lanao
Ugsa na dili muandar an atu mga hydro power plant
Amo na rotational brownout o curtailment an sulbad

Pero adjaw kamo kabalaka mga pinayangga namu na konsumante
Kay waya kami mangatuyog para masulbad na ini na pineste
Kami sa tabang nan AMRECO naghanap nan mga paagi
Para mabalik sa normal an supply nan atu kuryente

Jaoy na mga planta na under construction sa pagkuman
Para sagubangon an jaon sa 300MW na atu kuyang
Antus-antos lamang anay kita tanan mamalihug kami sa idjo
Kay taglaong pa, "May Liwanag ang Buhay" sa tag-line nan MERALCO

Imbes na basulon, kapungtan, jawaun nidjo an idjo SURNECO
Tabangi hinuan na ini na problema unahon pagsulbad nan gobyerno
Isturyahon, ipaabot an reklamo sa atu mga bu-otan na mga politiko
Para sab magamit tun ila PDAF sa mga butang na makaradjaw sa ato

Salamat sa idjo mga pagsakripisyo, sa idjo mga pag-antos
Muabot ra an panahon na masolbad ra ini Kaloy-an sa Diyos
Pasayloa kun naapektuhan kita nidjo tanan nan ini na isyu
Nanghinaut kami na untana nasabtan, tabangan kami nidjo

Sign in

Forum Topics

No posts to display.

Advertisement


Top 5 Most Active Users

  • James Tiu
    122 Points
  • Rhea S. Ong
    114 Points
  • Christine Tan
    112 Points
  • Haidee R. Jenes
    98 Points
  • Marky Garcia
    95 Points
 

Who's Online

We have 113 guests online

New Registered Users